O soño do Merlo Branco

Sinopse

Esta nova redacción da obra que o autor escribiu en 2000, publicada meses despois do seu falecemento, presenta ademais unhas novas ilustracións. A merla Bulebule conta en primeira persoa as súas experiencias ao longo do seu primeiro ano de vida, e as ensinanzas recibidas de Grou, o Merlo Vello, encargado de lles relatar aos merliños máis novos canto deben saber para sobreviviren.

Unha fermosa historia sobre a imparable Roda da Vida a través dunha familia de merlos, que insiste na importancia da transmisión dos coñecementos, a convivencia co medio natural e o respecto pola diferenza, e na que non hai lugar para a agresividade nin o racismo.