A nube de cores

Sinopse

Raquel ten seis anos e non lle gusta nada ir ao colexio porque a súa clase lle parece triste e porque a súa mestra sempre está seria. A situación muda cando unha nube de cores se detén sobre o patio da escola, e a maxia da súa chuvia consegue que tanto a profesora como os seus métodos experimenten un cambio radical. Relato ambientado nun contexto escolar no que se introduce a fantasía para reivindicar un sistema educativo máis orixinal e creativo.