A fuxida do mar

Sinopse

Raquel vive nunha casa ao pé do mar, pode contemplalo desde a fiestra do seu cuarto. O pai da nena é mariñeiro, sae cada noite a faenar para regresar co barco cargado de peixes. Unha mañá, Raquel esperta e comproba que o mar desapareceu durante a noite. Para os nenos é unha novidade fascinante, mais os maiores están tristes e inquedos. André, un vello mariñeiro, cóntalle a Raquel a historia dos salmóns: nacen e medran nos ríos, despois viaxan ao mar e ao facérense adultos volven ao río onde naceron. Esa noite, mentres agarda polo sono, Raquel pensa que quizais o mar regresará algún día, igual que fan os salmóns. Ao día seguinte, ao espertar, ¡descobre que o mar volveu!

A fuxida do mar é un relato de curta extensión, belamente ilustrado por Enric Solbes.