Raquel ten medo

Sinopse

Raquel está na cama e non é capaz de durmir. Mira cara á fiestra e descobre un gran monstro. Asustada, esperta á súa irmá Tina, que prende a luz e lle aclara que só son as sombras da maceira do xardín. Pouco despois ve un fantasma, que resultan ser as cortinas axitadas polo vento; e máis tarde, escoita un esqueleto escondido no armario, pero tan só se trata da porta que renxe… Cansada de que a esperte, Tina colle o boneco preferido de Raquel e dállo. Abrazada ao seu osiño, agora si que Raquel consigue durmir.

Un relato sinxelo, con estrutura de álbum ilustrado, onde o autor aborda con delicadeza un tema que afecta aos máis pequenos: o medo á escuridade e os terrores nocturnos.