A serea da Illa Negra

Sinopse

Este volume inclúe dous extensos relatos que beben da tradición oral. En «A serea da Illa Negra», Sara conseguirá, por medio dunhas buguinas ao servizo da Dona das Augas, rematar coa maldición dunha malvada serea que ameaza os mariñeiros da súa vila. En «A néboa negra», Branca salva a seus pais e a poboación do seu val dos feitizos da Néboa Negra grazas ao seu tríscele máxico. Relatos de medo e misterio, marcados pola negrura, e nos que se tira partido dun mundo lendario relacionado coa tradición literaria e oral galega.