Valados

Sinopse

Helena e Adrián son amigos inseparables, encántalles estar xuntos e xogar todo o tempo que poden. Un día, na súa vila comezan a suceder feitos preocupantes, coma se un vento estraño varrese a alegría das rúas e deixase odio e medo no seu lugar. As autoridades ordenan levantar barreiras –valos de arame, muros de cemento, gardas armados– para separar e illar unha parte da vila e as persoas que alí viven. Muros visibles, e tamén invisibles, que separan a Adrián e a Helena e lles impedirán estar xuntos. Os dous nenos terán que idear diversas estrataxemas para manter viva a intensa amizade que os une.
Valados aborda unha historia de alcance universal. Na actualidade, existen no mundo máis de 7.600 Km. de muros, erixidos para separar ás persoas ou para impedir as migracións. A estes hai que sumarlles outros máis numerosos: os muros invisibles, que favorecen a exclusión social e a inxustiza.