Amizades secretas

Sinopse

No interior dun tabique dunha casa deshabitada vive unha familia de ratos: o pai, a nai e os tres fillos, Rabilongo, Larpeiro e Ollos Grandes, a ratiña pequena, máis lista e valente ca os seus irmáns, á que lle encanta explorar todos os cuartos da casa.

Unha desas mañás de exploración, Ollos Grandes leva a gran sorpresa: ao entrar na cociña do piso, descobre que está habitada. A tarde anterior chegou unha familia para vivir nel. Trátase dun matrimonio novo, que ten unha filla chamada Beatriz.

Beatriz devece por ter unha mascota, mais os seus pais opóñense a ese desexo. Encantaríalle facerse amiga daquela ratiña que atravesa a cociña coma un foguete. Terá que esforzarse en convencela e, ao tempo, neutralizar as múltiples trampas para ratos que os pais teiman en poñer.

A fascinación dos nenos e nenas polos animais é o eixe desta narración, que ten a orixinalidade de estar contada desde unha dobre perspectiva: a da familia dos ratos e a das persoas. Dúas realidades moi diferentes, relacionadas só polo fío trenzado entre Beatriz e Ollos Grandes.