{"id":8376,"date":"2013-02-11T14:58:05","date_gmt":"2013-02-11T12:58:05","guid":{"rendered":"https:\/\/agustinfernandezpaz.gal\/paco-ibanez-canta-a-neruda-2\/"},"modified":"2013-02-23T19:17:41","modified_gmt":"2013-02-23T17:17:41","slug":"paco-ibanez-canta-a-neruda","status":"publish","type":"post","link":"https:\/\/agustinfernandezpaz.gal\/es\/paco-ibanez-canta-a-neruda\/","title":{"rendered":"Paco Ib\u00e1\u00f1ez canta a Neruda"},"content":{"rendered":"

Paco Ib\u00e1\u00f1ez interpreta a Pablo Neruda<\/em><\/strong> (Paco Ib\u00e1\u00f1ez, 1977)<\/strong><\/span><\/p>\n

Un disco extraordinario<\/strong><\/p>\n

\"\"No ano 1977, a mi\u00f1a dona e mais eu viviamos en Gernika, onde dabamos clase no Colexio P\u00fablico \u201cAllende Salazar\u201d e, pola noite, iamos \u00e1 ikastola a aprender os rudimentos do eusquera. Aquel ano apareceu un disco extraordinario, que mercamos decontado. O malo foi que, como al\u00ed non ti\u00f1amos tocadiscos, en vez do LP mercamos unha daquelas antigas cintas de casete, que escoitabamos no sinxelo reprodutor que ti\u00f1amos e que, inevitablemente, acabou estrag\u00e1ndose co transcorrer dos anos.<\/p>\n

O LP cham\u00e1base, pola cara A, \u00abPaco Ib\u00e1\u00f1ez interpreta a Pablo Neruda\u00bb; e pola cara B, \u00abCuarteto Cedr\u00f3n interpreta a Raul Gonz\u00e1lez Tu\u00f1\u00f3n.\u00bb Magn\u00edficas, as d\u00faas partes do disco. Mais da que quero falar hoxe \u00e9 s\u00f3 da cara A, onde Paco Ib\u00e1\u00f1ez canta alg\u00fans dos poemas do m\u00e1is popular libro de Pablo Neruda<\/a>, Veinte poemas de amor y una canci\u00f3n desesperada<\/em>, acompa\u00f1ado polos membros do Cuarteto Cedr\u00f3n.<\/p>\n

\"\"Non pretendo comentar aqu\u00ed a importancia que Paco Ib\u00e1\u00f1ez<\/a> tivo para moita xente<\/a> da mi\u00f1a xeraci\u00f3n. Ha haber ocasi\u00f3ns para refer\u00edrmonos a el e a aqueles discos memorables que gravou nos anos sesenta e setenta. Uns discos con canci\u00f3ns que sabiamos de memoria e que, quen eramos novos daquela, cantamos a\u00ednda hoxe. \u201cPalabras para Julia\u201d, \u201cA galopar\u201d, \u201cLa poes\u00eda es un arma cargada de futuro\u201d, \u201cSoldadito de Bolivia\u201d, \u201cComo t\u00fa\u201d… forman parte da nosa memoria sentimental.<\/p>\n

Hai moito que dicir<\/a> sobre Paco Ib\u00e1\u00f1ez, non hei tardar en traelo a este blog algunha vez m\u00e1is. Neste v\u00eddeo, faise unha breve achega \u00e1 s\u00faa persoa e \u00e1 importancia social do seu traballo:<\/p>\n

 <\/p>\n