{"id":8287,"date":"2013-02-02T20:34:57","date_gmt":"2013-02-02T18:34:57","guid":{"rendered":"https:\/\/agustinfernandezpaz.gal\/?p=8287"},"modified":"2013-02-02T20:52:54","modified_gmt":"2013-02-02T18:52:54","slug":"unha-noite-con-the-animals","status":"publish","type":"post","link":"https:\/\/agustinfernandezpaz.gal\/es\/unha-noite-con-the-animals\/","title":{"rendered":"Unha noite con The Animals"},"content":{"rendered":"

The House of\u00a0 the Rising Sun<\/strong> (The Animals, 1964)<\/span><\/p>\n

Debeu de ser no ano 1965. Daquela eu estaba interno na Universidade Laboral de Xix\u00f3n e, coma outros compa\u00f1eiros meus, deveciamos polas canci\u00f3ns dos grupos musicais, con preferencia dos estranxeiros, a\u00ednda que tam\u00e9n valorabamos os que foran agromando en Espa\u00f1a, como Mustang, Sirex, Brincos ou Salvajes.<\/p>\n

\"\"Alg\u00fans rapaces do meu curso formaron tam\u00e9n un conxunto, ao que puxeron de nome \u201cLos Mercury\u201d. O seu repertorio era moi limitado e tocaban con instrumentos emprestados, mais iso non minguaba o noso entusiasmo por eles.<\/p>\n

Daquela hab\u00eda alg\u00fans programas de variedades na televisi\u00f3n, que a\u00ednda era en branco e negro, mais non podiamos velos se eran en horario nocturno; ese era un privilexio reservado s\u00f3 aos dos cursos de Peritaxe.<\/p>\n

Unha semana estendeuse a noticia de que, nun deses programas, actuar\u00edan The Animals<\/a>. O grupo que capitaneaban Eric Burdon <\/a>e Alan Price<\/a> conseguira un \u00e9xito mundial coa canci\u00f3n The House of the Rising Sun<\/em><\/a>, un tema tradicional do sur dos EE. UU. que eles versionaran dun xeito marabilloso. E cadrou que, precisamente, esa era unha das escasas canci\u00f3ns que figuraba no repertorio de Los Mercury. Houbo conversas persuasivas cos nosos educadores, ata que por fin se conseguiu o ansiado permiso, limitado s\u00f3 aos membros do grupo e a catro ou cinco m\u00e1is que andabamos arredor deles.<\/p>\n