{"id":11116,"date":"2015-05-14T13:37:15","date_gmt":"2015-05-14T11:37:15","guid":{"rendered":"https:\/\/agustinfernandezpaz.gal\/1816-o-ano-sen-veran-2\/"},"modified":"2015-05-14T20:48:13","modified_gmt":"2015-05-14T18:48:13","slug":"1816-o-ano-sen-veran","status":"publish","type":"post","link":"https:\/\/agustinfernandezpaz.gal\/es\/1816-o-ano-sen-veran\/","title":{"rendered":"1816: O \u00abano sen ver\u00e1n\u00bb"},"content":{"rendered":"

(Fotograma do filme Remando al viento<\/em> (1987), de Gonzalo Su\u00e1rez)<\/strong><\/span><\/p>\n

A semente d’<\/span>A neve interminable<\/em><\/h5>\n

\"\"<\/a>No pasado mes de abril publiquei unha nova novela, A neve interminable<\/em><\/a>, onde se fai referencia \u00e1 famosa reuni\u00f3n de Lord Byron e os seus invitados en Xenebra, \u00e1 beira do lago Leman, no frustrado ver\u00e1n de 1816. E digo frustrado porque 1816 quedou marcado na historia como \u00abO ano sen ver\u00e1n\u00bb<\/a>.<\/p>\n

Xa son varias as persoas que me preguntaron por este feito ins\u00f3lito. E, como foi a semente que fixo agromar o libro, pareceume interesante contar o que sei del nesta entrada do blog. Calquera persoa que lea este texto, axi\u00f1a entender\u00e1 por que o considero a semente que me levou a escribir o libro.<\/p>\n

<\/h5>\n
A erupci\u00f3n do volc\u00e1n Tambora<\/span><\/h5>\n

\"\"<\/a>En abril do ano 1815, o volc\u00e1n Tambora, situado nunha das illas de Indonesia, entrou en erupci\u00f3n. Unha erupci\u00f3n extremadamente violenta, din que a m\u00e1is grande da historia. O desastre provocou m\u00e1is de cincuenta mil mortos, contando s\u00f3 os dos d\u00edas seguintes \u00e1 erupci\u00f3n. Esta foi tan forte, que as cinsas e part\u00edculas expulsadas polo volc\u00e1n chegaron \u00e1 estratosfera; as m\u00e1is pesadas foron caendo ao chan, mais as finas permaneceron al\u00ed durante anos.<\/p>\n

O vento espallounas arredor do mundo, de tal xeito que formaron unha capa que dificultaba a chegada \u00e1 Terra dos raios do sol. Coincidiu, ademais, que naquel ano houbo unha serie de anomal\u00edas nas manchas solares<\/a>, que contribu\u00edron a esta diminuci\u00f3n de luz e calor.<\/p>\n

Isto notouse m\u00e1is no hemisferio norte, sobre todo ao longo do ano 1816. O fr\u00edo permanente e a diminuci\u00f3n da luz solar fixeron que se perdesen as colleitas ou que fosen moi pobres e f\u00f3ra de tempo. As cidades ficaron desabastecidas, o que provocou a fame, as enfermidades (algunhas, contaxiosas) e moitas mortes en toda Europa. Aquel foi o chamado \u00abAno sen ver\u00e1n\u00bb<\/a>.<\/p>\n