{"id":9440,"date":"2013-06-30T18:42:23","date_gmt":"2013-06-30T16:42:23","guid":{"rendered":"https:\/\/agustinfernandezpaz.gal\/facer-cincuenta-2\/"},"modified":"2013-07-03T23:49:08","modified_gmt":"2013-07-03T21:49:08","slug":"facer-cincuenta","status":"publish","type":"post","link":"https:\/\/agustinfernandezpaz.gal\/en\/facer-cincuenta\/","title":{"rendered":"Facer cincuenta"},"content":{"rendered":"

(A fotograf\u00eda \u00e9 da autor\u00eda de Inmaculada Reino, nalg\u00fan momento dos primeiros anos oitenta)<\/span><\/p>\n

<\/p>\n

<\/p>\n

Cincuenta posts<\/strong><\/p>\n

Resulta que esta \u00e9 a entrada n\u00famero cincuenta do blog, e o primeiro sorprendido son eu. Publiquei o post inicial o pasado 7 de outubro. Tituleino \u00abIntenci\u00f3ns\u00bb<\/a>, pois nel contaba os prop\u00f3sitos que me animaban a iniciar un blog, tan a destempo. Recupero aqu\u00ed algunhas li\u00f1as do que puxen daquela:<\/span><\/p>\n

Nel escribirei sobre o \u00fanico que me apetece contar: os libros que lin, os c\u00f3mics cos que tanto gocei, as pel\u00edculas que me fascinaron ou as canci\u00f3ns da mi\u00f1a memoria sentimental. En resumo: as historias que me axudaron a vivir.<\/span><\/p>\n

O que quero contar son os momentos da mi\u00f1a vida en que cheguei a ese libro, a esa pel\u00edcula, a ese tebeo<\/span><\/em>\u2026 e as lembranzas que conservo deles. E facelo con subxectividade e sinxeleza. Deix\u00e1ndome levar polas reviravoltas da memoria, sen outra orde cronol\u00f3xica que a ditada polo azar. Un lector, sen m\u00e1is.<\/span><\/p>\n

E si, creo que polo de agora andei por ese cami\u00f1o. Mais hab\u00eda unha cousa coa que non contaba e que, co paso dos meses, acabou convert\u00e9ndose na principal: a exuberancia da Rede, a cantidade de contidos e enlaces que pod\u00eda enriquecer a mi\u00f1a achega.<\/span><\/p>\n

Nos primeiros posts, escrib\u00eda o texto e logo buscaba alg\u00fans enlaces co que adobalo. Agora fago ao rev\u00e9s: unha vez decidido sobre que vou falar, comezo unha pescuda pola Rede que \u00e9, con diferenza, a parte m\u00e1is gratificante e atractiva.<\/span><\/p>\n

Ao final, escribir o texto \u00e9 case un pretexto para poder colocar unha parte dos moitos enlaces que fun seleccionando. Non sei se algu\u00e9n os ler\u00e1 ou non; pero eu linos, e aprend\u00edn deles, e quedan a\u00ed por se alg\u00fan d\u00eda preciso botarlles man.<\/span><\/p>\n

E haber\u00e1 que celebralo\u2026<\/span><\/strong><\/p>\n

…e tam\u00e9n agradecerlles as visitas \u00e1s persoas que entran no blog e pasan o traballo de ler o que escribo. Algunhas, ademais, adoitan deixar comentarios que enriquecen o conxunto. Obrigad\u00edsimo!<\/p>\n

Como dalg\u00fan xeito hai que celebrar esta chegada ao cincuenta, po\u00f1o aqu\u00ed dous agasallos. Un deles, o que me fixeron Martin Pawley<\/a> e Eloy Dom\u00ednguez Ser\u00e9n<\/a> con motivo dunha homenaxe que moito agradec\u00edn<\/a>, organizada por persoas amigas<\/a>. Tr\u00e1tase dunha montaxe feita con fragmentos dalgunhas das pel\u00edculas que foron importantes para min. Eles titul\u00e1rono \u00abO cinema de Agust\u00edn\u00bb. Se cadra, algunhas persoas das que visitan o blog a\u00ednda non o co\u00f1ecen:
\n<\/span>
\n