{"id":7793,"date":"2012-11-24T18:45:49","date_gmt":"2012-11-24T16:45:49","guid":{"rendered":"https:\/\/agustinfernandezpaz.gal\/o-festin-de-babette-2\/"},"modified":"2013-12-09T01:54:46","modified_gmt":"2013-12-08T23:54:46","slug":"o-festin-de-babette","status":"publish","type":"post","link":"https:\/\/agustinfernandezpaz.gal\/en\/o-festin-de-babette\/","title":{"rendered":"O fest\u00edn de Babette"},"content":{"rendered":"

O fest\u00edn de Babette<\/em><\/strong> (Babette G\u00e6stebud<\/em>, 1987), de Gabriel Axel<\/span><\/p>\n

Vin esta pel\u00edcula no ano 1988, nun cine de Salamanca. Un grupo de persoas interesadas na promoci\u00f3n da lectura estabamos a facer un curso na Fundaci\u00f3n Germ\u00e1n S\u00e1nchez Ruip\u00e9rez (un curso inesquecible, mais esa \u00e9 outra historia). Unha noite, uns cantos decidimos ir ao cine, queriamos ver Mujeres al borde un ataque de nervios<\/em>, da Almod\u00f3var, que se estreaba por aquelas datas. Chegamos al\u00ed, e non quedaban entradas. Daquela, decidimos entrar nalgunha das que botaban nas outras salas. Acabamos vendo unha que non me soaba de nada, O fest\u00edn de Babette<\/em><\/a>, ag\u00e1s que nela traballaba St\u00e9phane Audran<\/a>, unha actriz que me apaixonaba, especialmente pola serie de filmes de Claude Chabrol<\/a> que protagonizou naqueles anos (O carniceiro<\/em>, A muller infiel<\/em>, A besta debe morrer<\/em>, O sangue dos outros<\/em>\u2026).<\/p>\n

Cando sa\u00edn, o mundo transform\u00e1rase. Que marabilla de pel\u00edcula! Rebord\u00e1bame o entusiasmo, sent\u00edame afortunado por asistir a aquel milagre<\/a>, por min quedar\u00eda a contemplar aquela historia toda a noite. Poucas veces me sent\u00edn tan exultante: \u00e9 ese milagre que producen as obras de arte, que nos revolven por dentro e fican para sempre onda n\u00f3s.
\n