{"id":10242,"date":"2014-04-12T12:58:42","date_gmt":"2014-04-12T10:58:42","guid":{"rendered":"https:\/\/agustinfernandezpaz.gal\/53-anos-da-viaxe-de-iuri-gagarin-2\/"},"modified":"2014-04-12T12:59:04","modified_gmt":"2014-04-12T10:59:04","slug":"53-anos-da-viaxe-de-iuri-gagarin","status":"publish","type":"post","link":"https:\/\/agustinfernandezpaz.gal\/en\/53-anos-da-viaxe-de-iuri-gagarin\/","title":{"rendered":"53 anos da viaxe de Iuri Gagarin"},"content":{"rendered":"
12 de abril de 2014: cincuenta e tres anos dun d\u00eda memorable<\/span><\/h5>\n

Dentro de d\u00faas ou tres semanas aparecer\u00e1 publicada a novela que me tivo ocupado desde hai m\u00e1is dun ano: A viaxe de Gagarin<\/em> (Xerais, 2014). Dentro do intenso, e apaixonante, proceso de documentaci\u00f3n ao que me obrigou este libro, unha parte \"\"<\/a>importante estivo centrada na figura do cosmonauta Iuri Gagarin e na s\u00faa hist\u00f3rica viaxe, que inauguraba a era espacial. Tanto, que Gagarin (que non \u00e9 un personaxe do libro, a\u00ednda que figura como pano de fondo ao longo de toda a historia) acabou sendo unha persoa moi pr\u00f3xima durante varios meses. E tam\u00e9n as s\u00faas palabras ao contemplar a Terra desde o espazo: Habitantes do mundo: salvagardemos esta beleza, non a destruamos.\u00a0<\/em>Unha mensaxe que segue tendo unha total vixencia.<\/span><\/span><\/p>\n

Hoxe, cando escribo estas li\u00f1as, \u00e9 o 12 de abril de 2014. Celebramos o cincuenta e tres aniversario do primeiro voo espacial tripulado. Esta pasada noite foi A Noite de Iuri<\/a>, que cient\u00edficos e afeccionados \u00e1 astron\u00e1utica celebran cada once de abril desde hai xa varios anos. E o meu xeito de unirme \u00e1 celebraci\u00f3n \u00e9 dedicarlle unha entrada no blog, a\u00ednda sabendo que salto de novo as normas que me autoimpuxen. Mais \u00e9 que hai datas que o merecen!<\/p>\n

Unha data para a historia<\/strong><\/p>\n

\"\"<\/a>Foi o 12 de abril de 1961. Ese d\u00eda, desde o cosm\u00f3dromo de Baikonur, situado no que na actualidade \u00e9 Kazaxist\u00e1n, a nave Vostok 1<\/em> iniciaba o que ser\u00eda o primeiro voo espacial tripulado. No seu interior \u00eda Iuri Gagarin<\/a>, a primeira persoa en sa\u00edr ao espazo exterior e realizar unha \u00f3rbita completa ao redor da Terra. Na terminolox\u00eda sovi\u00e9tica, o primeiro cosmonauta.<\/p>\n

O proxecto Vostok<\/a>, o seguinte despois do Sp\u00fatnik, ti\u00f1a como obxectivo po\u00f1er en \u00f3rbita naves tripuladas. A primeira foi a de Gagarin; a sexta e \u00faltima, a de Valentina Tereshkova.<\/p>\n

Iuri Gagarin naceu en 1934, nunha familia que formaba parte dunha granxa colectiva. Foi un dos m\u00e1is de tres mil aspirantes para participar no programa espacial da URSS, dos que foron seleccionados dezaoito. Finalmente, foron el e German Titov (que logo tripular\u00eda a Vostok 2<\/em>) os elixidos para o primeiro voo.<\/p>\n

Gagarin finou nun accidente a\u00e9reo en marzo de 1968, cando pilotaba un avi\u00f3n MIG. Daquela s\u00f3 ti\u00f1a 34 anos. Non se souberon as causas reais que provocaron o accidente ata o ano 2013, cando o goberno ruso deu a co\u00f1ecer o que realmente sucedera<\/a>.<\/p>\n

\u00c9 moita a documentaci\u00f3n que podemos atopar sobre a vida de Gagarin. Dela, selecciono aqu\u00ed este documental feito pola Canle Historia:<\/p>\n