A praia da esperanza

Sinopse

Relato inspirado na dramática catástrofe do petroleiro Prestige que arrasou as costas galegas en 2003. A  dura realidade daqueles días toma corpo a través dunha historia realista na que se introduce un elemento fantástico: o último día das vacacións, Raquel, a nena protagonista, atopa na praia unha serea, Sunia, que acepta pasar o inverno coa nena na cidade a cambio de contarlle un conto cada noite.

A noticia do afundimento do barco e da marea negra fai que a familia regrese ao lugar onde vivía a serea. O que atopan é o cheiro pestilente do chapapote, as aves mortas e a desolación pola gran catástrofe ecolóxica. Sunia, desesperada por non ter noticias dos seus, bótase ao mar; ao amencer, a nena atopa o seu corpo sen vida. Días despois, Raquel unirase a unha gran cadea humana de xente nova  que se reúne naquela praia para defender simbolicamente a costa atacada pola marea negra.